کھلا
بند کریں
بچپن میں ہوئے کینسر کے کچھ علاج طویل مدت تک رہنے والے ادراکی کارکردگی سے متعلق مسائل پیدا ہونے کا خطرہ بڑھاتے ہیں۔ یہ مسائل تاخیر سے ہونے والے ادراکی اثرات کے طور پر جانے جاتے ہیں۔ ایسا ہو سکتا ہے کہ علاج کے مہینوں یا سالوں بعد بھی یہ مسائل واضح طور پر نظر آئيں، اور وقت کے ساتھ ساتھ اس میں تبدیلی بھی آسکتی ہے۔
دماغ کی رسولیاں یا ایکیوٹ لمفوبلاسٹک لیوکیمیا (ALL) کا علاج کرانے والے بچوں میں ان کینسرز کے علاج کے لیے استعمال کی جانے والی تھیراپیز سے متاثر ہونے کا امکان زیادہ ہوتا ہے۔ البتہ دیگر کینسرز سے بچ جانے والے لوگوں میں بھی ادراکی مسائل کی نشان دہی ہوئی ہے۔
بچپن میں ہوئے کینسر سے بچ جانے والا فرد ماہر نفسیات سے عصبی نفسیاتی تشخیص یعنی خود سے سوچنے سمجھنے اور کام کرنے کی صلاحیت کے تجزئے میں شامل ہوسکتا ہے۔
ان ادراکی نقائص سے زندگی کے معیار پر کافی زیادہ اثر پڑ سکتا ہے تاخیر سے ہونے والے ادراکی اثرات والے بچوں میں اسکول میں مسائل پیش آنے اور کمتر تعلیمی حصول کا زیادہ امکان ہے۔ انہیں ملازمت کرنے، آزاد زندگی گزارنے، اور سماجی تعلقات بنانے میں بھی زیادہ دشواری پیش آسکتی ہے۔
اداراکی عمل سے متعلق خطرات کو سمجھنے سے خاندانوں کو مسائل پر نظر رکھنے کے لیے پابندی سے تشخیصات کروانے کی منصوبہ بندی کرنے، پیدا ہونے والے مسائل کو حل کرنے کے لیے ایک منصوبہ بنانے اور مریضوں کو زندگی کے فیصلے کرنے میں بہتر طور پر مدد مل سکتی ہے۔
بچوں میں ادراکی مسائل کی علامات
تاخیر سے ہونے والے ادراکی اثرات کے لیے خطرے کے عوامل میں شامل ہیں:
خطرہ بڑھانے والی دوسری وجوہات میں علاج کے وقت کم عمر ہونا، علاج کی شدت (خوراک اور مدت)، اسٹروک، ہائڈروسیفالس، انفیکشن، یا دورے جیسی طبی پیچیدگیاں شامل ہیں۔ جن خواتین کو کرینیئل ریڈیئیشن دیا جاتا ہے، ان میں مردوں کے مقابلے میں تاخیر سے ہونے والے ادراکی اثرات کا خطرہ زیادہ ہوتا ہے۔ کینسر سے بچ جانے والے لوگوں میں جان لیوا بیماری پیدا ہوسکتی ہے جیسے دل، پھیپھڑے، یا اندرونی غدود کی ریزش (اینڈوکرین) سے متعلقہ امراض جن کی وجہ سے ایسے لوگوں میں ادراکی مسائل ہونے کا زیادہ خطرہ ہوتا ہے۔
یہ سمجھا جاتا ہے کہ کینسر کے علاج کی وجہ سے ادراکی صلاحیت میں کمی در اصل دماغ کے سفید مادہ میں آنے والی تبدیلی ہونے سے شروع ہوتی ہے۔ سفید مادہ مائیلین سے بنا ہوتا ہے، جو اعصاب (نس) کے ریشوں کو ایک طرح کا انسولیشن (ایک مواد کی موٹی پرت) دیتا ہے اور رگوں کے بیچ فوری پینچنے کے لئے سگنلز پہنچانے کا موقع دیتا ہے۔ جوان ہونے کے دوران اعضاء کے اردگرد چربی اور سفید مادہ میں ترقی ہوتی رہتی ہے۔
وقت گزرنے کے ساتھ، دماغ کے سرمئی مادے میں بھی تبدیلیاں دیکھی جاتی ہیں۔ سرمئی مادہ نیورانس یا عصبی خلیات سے بنا ہوتا ہے، جن پر دماغ میں معلومات پر کارروائی کرنے اور ان پر مواصلت کرنے کی ذمہ داری ہوتی ہے۔
نیوران یا عصبی خلیات دماغ اور جسم کے درمیان خبر رسانی کے ذمہ دار ہوتے ہیں۔
دماغ میں سفید مادہ اور سرمئی مادہ بننا، کوئی کام توجہ کے ساتھ کر پانے یا کسی کام میں توجہ لگانے، منطق کا استعمال کرنے، اور مسائل کے حل جیسے ادراکی عمل سے متعلق کام کرنے کی صلاحیت میں اضافہ کرتا ہے۔
کچھ کیموتھیراپی علاج اور کرانیئل ریڈیئیشن دماغ کے بالائی حصہ میں سفید مادہ بنانے کے عمل میں مداخلت کر سکتے ہیں۔ اس سے ادراکی صلاحیت میں کمی آسکتی ہے جو وقت گزرنے کے ساتھ ساتھ نمایاں طور پر نظر آنے لگتی ہے۔ دماغ کے کچھ حصوں میں جیسے ہیپوکیمپس (دماغ کا ایک حصہ)، یاد داشت بنانے میں شامل ساخت میں سرمئی مادے پر بھی علاج کا اثر ڈال سکتے ہیں جو کارنیئل ریڈیئیشن کے معاملے میں خاص طور پر حساس ہوتا ہے۔
علاج کی وجہ سے خلیات اور خون کی وریدوں میں سوجن آنے اور انہیں نقصان پہنچنے سے بھی دماغ کو نقصان پہنچ سکتا ہے۔ دماغ میں خون کی وریدوں کو پہنچنے والے نقصان سے کئی طرح کے اثرات ہوسکتے ہیں جن میں خون کا بہنا اور اسٹروکس (فالج) بھی شامل ہے۔ یہ اسٹروکس اچانک بڑی نمایاں طور پر نظر آنے والی تبیلیوں یا چھوٹی چھوٹی تبدیلیوں کی وجہ سے جو وقت کے ساتھ بڑھتی چلی جاتی ہیں، بڑے ہوسکتے ہیں۔ یہ اثرات علاج کے کئی مہینوں یا سالوں بعد پیدا ہوسکتے ہیں۔
علاج سے متعلقہ دیگر عوامل بھی ادراکی اعمال پر بالواسطہ اثر ڈال سکتے ہیں۔ ان میں سننے اور/یا دیکھنے میں پریشانیاں، اسکول نہ جانا اور جذباتی یا سماجی مسائل شامل ہیں۔
نیورانز اعصابی تحریک یا برقی اشاروں کے ذریعے خبر رسانی کرتے ہیں جو ایک نیوران سے دوسرے نیوران میں جاتے ہیں۔
سیکھنےکی ، رویّے ، اور دماغ کی نمو پر توجہ کرنے والی طبی خصوصیت کو عصبی نفسیات (نیوروسائیکلوجی) کہا جاتا ہے۔ نیوروسائیکولوجیکل تجزیہ کام کے الگ الگ پہلوؤں کو ماپتا ہے جن میں شامل ہیں:
ہمہ گیر ذہانت اور تعلیمی حصولیابیاں بھی ادراکی تجزیے میں اہم ہوتی ہیں۔ ادراکی عمل، جذبات، سماجی صلاحیتیوں اور رویوں میں بچے کی استحکامات اور کمزرویوں کا تجزیہ کرنے کے لیے والدین اور اساتذہ کے مشاہدات بھی استعمال کیے جاتے ہیں۔
بچپن میں ہونے والے کینسر سے متعلقہ ادراکی مسائل اور علاج کا نتیجہ یہ ہو سکتا ہےکہ:
بچپن میں ہوئے کینسر سے بچ جانے والے زیادہ تر لوگوں میں ادراکی مسائل صلاحیتیوں میں کمی کی وجہ سے نہیں ہوتی ہیں۔ زیادہ تر مسائل اکثر سیکھنے کی شرح دھیرے ہونے کی وجہ سے ہوتے ہیں۔ بچے ابھی بھی سیکھتے ہیں اور نئی صلاحیتیں حاصل کرتے ہیں لیکن اتنی جلدی نہیں جتنی جلد ان کے ساتھ پڑھنے والے بچے کر تے ہیں۔
بچپن میں ہوئے کینسر سے بچ جانے والے لوگوں کے تاخیر سے ہونے والے ادراکی اثرات عام طور پر ایگزیکٹو فنکشن میں مسائل سے مربوط سے جڑے ہوتے ہیں۔ اس میں استعمال ہونے والی یادداشت، حالات کے مطابق سوچنے سمجھنے کی صلاحیت، اور ضبط نفس شامل ہیں۔ یہ صلاحیتیں کسی شخص کو منصوبہ بنانے، منظم کرنے، اور مسئلہ حل کرنے کی صلاحیت دیتی ہیں۔ توجہ، جانکاری پر عمل کرنے کی رفتار، اور کام منظم کرنے اور مکمل کرنے کی صلاحیت میں اکثر کمی دیکھنے میں آتی ہے۔
پڑھائی میں آنے والے بڑی تبدیلیوں کے دوران یہ مسائل زیادہ نمایاں طور پر نظر آسکتے ہیں۔ جیسے جیسے بچے بڑے ہوتے ہیں، والدین اور اساتذہ توقع کرتے ہیں کہ بچے تنظیم کے فرائض اور عملی تعلیم میں آزاد بوں۔ ادراکی صلاحیت میں کمی والے بچوں کے لیے، والدین کی بڑھتی ہوئی امیدوں پر نظم کرنا مشکل تر ہو جاتا ہے۔ صلاحیتیں اور قابلیتیں امیدوں پر پورا نہیں اترتیں اور ان کے ساتھی ان کے مقابلے میں کہیں زیادہ تیزی سے آگے بڑھ جاتے ہیں۔
ادراکی صلاحیت میں کمی کا اکثر تعلیم اور کیریئر پر اثر پڑتا ہے۔ یہ مسائل سماجی اور جذباتی عمل کے ساتھ ساتھ جملہ معیارِ زندگی پر بھی منفی اثر ڈال سکتے ہیں۔
جلد مداخلت اور مسلسل نگرانی سے کینسر سے بچ جانے والے لوگوں کو تاخیر سے ہونے والے ادراکی اثرات کو منظم کرنے میں مدد مل سکتی ہے۔
سماجی سرگرمیوں سے جڑنے کے مواقع تلاش کرنے اور قریبی تعلقات بنانے سے پوری زندگی میں ادراکی عمل کو محفوظ کرنے میں مدد مل سکتی ہے۔
کینسر کے معالجے اکثر دماغ کی ساختوں کو نقصان پہنچا سکتے ہیں، یہ نقصان ہمیشہ کے لیے اثر ڈالسکتا ہے یا کچھ دنوں کے لیے اور یہ اثرات کئی طرح کے ہوسکتے ہیں، جیسے ہلکے سے لیکر شدید تک۔ مریض کی ضروریات پوری کرنے کے لیے مناسب دفاع اور مآخذات فراہم کرنے کے لیے انفرادی حدود بندیوں کو سمجھنا اہم ہے۔ معیار زندگی میں صحتمند تبدیلیاں ادراکی صحت کو بہتر بنانے اور اسے بنائے رکھنے بھی مددگار ہوسکتی ہیں۔
کھانے پینے کے لیے صحت مند چیزوں کا انتخاب کرنا، تناؤ کم کرنا، اور موٹاپا، ذیابیطس، اور دل کی بیماری جیسے حالات کا نظم کرنا دماغی صحت اور ادراکی عمل کے لیے ضروری ہے۔ کینسر کے علاج کے بعد تاخیر سے ہونے والے اثرات کے طور پر دل کا مرض اور پھیپھڑوں کے مسائل پیدا ہوسکتے ہیں اور ادراکی عمل میں گڑبڑ پیدا کرنے کا کام کرسکتے ہیں۔ اسی وجہ سے، کسی بھی قسم کے کینسر سے بچ جانے والے لوگوں کے لیے دماغی صحت کے ساتھ ساتھ – زندگی بھر صحت کا خیال رکھنے کی سوچ اپنانا بے حد ضروری ہے۔
بیماری سے بحالی صحت کے دوران مریض اور ان کے اہل خانہ ادراکی صحت کو بہتر بنانے کے لیے کچھ اقدامات کرسکتے ہیں۔
—
نظر ثانی: جون 2018
